তামিলনাডুৰ কোইম্বাটুৰৰ ভি নানাম্মল হৈছে এগৰাকী ৯৭ বছৰীয়া মহিলা । কিন্তু এই বয়সতো তেওঁ নিয়মিত যোগভ্যাস কৰাই নহয় শ-শ লোকক যোগাসনৰ প্ৰশিক্ষণো দিয়ে ।
প্ৰতিদিনে শতাধিক লোকক যোগাসনৰ প্ৰশিক্ষণ দিয়া নানাম্মল হয়তো ভাৰতৰ আটাইতকৈ বেছি বয়সীয়া যোগগুৰু । আঠবছৰ বয়সতে সমৰকলাবিদ পিতৃৰ পৰা যোগৰ শিক্ষা লৈছিল নানাম্মলে । ব্ৰহ্মপুৱাতে বিচনা ত্যাগ কৰা নানাম্মলে উঠিয়েই আধা লিটাৰ পানী সেৱন কৰে আৰু নিমৰ ঠাৰিৰে দাঁত ঘহে । সকলো সময়তে তেওঁ খাদ্য সচেতন । ফল-মূল, হালধী আৰু মৌ দিয়া গাখীৰ আদি তেওঁৰ খাদ্যৰ অপৰিহাৰ্য অঙ্গ ।
"মোৰ স্বামী আছিল এজন সিদ্ধ পদ্ধতিৰ চিকিৎসক আৰু তেওঁ কৃষি কৰ্মৰ লগতো জড়ত আছিল । প্ৰাকৃতিক চিকিৎসা পদ্ধতিৰ প্ৰতি মোৰ আগ্ৰহ এইদৰেই বৃদ্ধি পাইছিল । আনহাতে যোগাসনৰ অভ্যাস মই বিয়াৰ পাছতো অব্যাহত ৰাখিছিলো । মই সদায় কেলচিয়াম আৰু ফাইবাৰযুক্ত খাদ্য খাওঁ । সকলো শাক-পাছলি নিজৰ বাগিছাৰ পৰা ব্যৱহাৰ কৰোঁ ।" তেওঁ কয় ।
বৰ্তমান তেওঁৰ লক্ষ্য হৈছে মহিলা আৰু যুৱতীৰ মাজত বিভিন্ন স্বাস্থ্যজনিত সমস্যা, বিশেষকৈ বিবাহৰ পাছৰ বহু সমস্যা সম্বন্ধে সজাগতা সৃষ্টি কৰা ।
বিশ্বৰ বিভিন্ন যোগাসন সংস্থাৰ আমন্ত্ৰণ তেওঁ অস্বীকাৰ কৰিছে কাৰম তেওঁ ইংৰাজী নকয় ।
নানাম্মলৰ পৰা যোগাসনৰ শিক্ষা লোৱা ৬০০ শিক্ষাৰ্থীৰ বহুতেই বৰ্তমান বিশ্বৰ বিভিন্ন স্থানত যোগাসনৰ প্ৰশিক্ষকৰূপে কৰ্মৰত। তেওঁৰ পৰিয়ালৰ ৩৬ জন সদস্য যোগ প্ৰশিক্ষণৰ সৈতে জড়িত । নানাম্মলৰ মতে উদ্দেশ্য সঠিক হলে কোনো ধৰণৰ বাধাই আহিব নোৱাৰে ।
এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক
অন্যান্য কেতবোৰ কাহিনী
'কমন মেন'ৰ স্ৰষ্টা আৰ কে লক্ষ্মণৰ নাতিনী ৰিমানিকাই আনিব 'কমন ৱমেন'