অনুষ্ঠান আয়োজন কৰিবলৈ গৈ উজুটি নাখাব

Tuesday July 19, 2016,

2 min Read

ইঞ্জিনীয়াৰিং কলেজৰ এটা অনুষ্ঠানত অংশগ্ৰহণ কৰোঁতেই কেইজনমান ছাত্ৰৰ মনলৈ আহিছিল এটা ব্যাৱসায়িক ধাৰণাৰ । এই আলোচনাচক্ৰখনৰ আয়োজনৰ দায়িত্বত থকাসকল ভীষণ সমস্যাত পৰিছিল ইটো সিটো বস্তু যোগাৰ কৰাক লৈ । আলোচনাচক্ৰখন পাতিবলৈ প্ৰয়োজনীয় বস্তু যোগাৰ কৰোঁতেই ইমান সমস্যা হৈছিল যে অনুষ্ঠানটো ব্যাপক খেলিমেলিৰে শেষ হৈছিল । এই ঘটানাই তেওঁলোকক ভাবিবলৈ বাধ্য কৰালে কিদৰে এই সমস্যাটোৰ সমাধান কৰিব পাৰি । এই চিন্তাৰে ফচল আনুষ্ঠানৰ আয়োদন বা ইভেন্ট মেনেজমেন্ট সম্পৰ্কীয় সকলো প্ৰয়োজনীয় বস্তু যোগানৰ ই-কমাৰ্চ প্লেটফৰ্ম eventjugaad.com ।

ডেভিদ প্ৰতীম গগৈ, ৰুপম চৌধুৰী, মৌচম তালুকদাৰ, ইছফাক আহমেদ, নাছিৰ আহমেদ আৰু অনুৰাগ ডাউলাগাপুৱে বৰ্তমান eventzugaad.com যোগেদি Alcheringa, Metropolis, Pyrokinesis, Posua আদি কেইবাটাও গুৰুত্বপূৰ্ণ অনুষ্ঠানৰ আয়োজনত সহযোগিতা কৰিছে । মেট্ৰপলিছৰ বাহিৰে ওপৰোক্ত আটাইকেইটা অনুষ্ঠানৰে 'Official Jugaad Partner' আছিল eventjugaad.com ।

'কোনোধৰণৰ অভিজ্ঞতা নোহোৱাকৈ আমি আৰম্ভ কৰিছিলো । আনকি আমি লাভ কৰা দ্বিতীয়টো কাম আমাৰ ক্লায়েন্টে নাকচ কৰিছিল আৰু আমি গ্ৰাহকৰ সন্তুষ্টিৰ বাবে নিজৰ জেপৰপৰা পইচা ৰচ কৰিবলগীয়া হৈছিল । বহুতে আমাক নিৰাশ কৰিছিল। তথাপি আমি মন পেলাই দিয়া নাছিলো আৰু আগবাঢ়ি গৈছিলো ।' এইদৰে কয় eventzugaad ৰ চিইঅ' ডেভিদ প্ৰতীম গগৈয়ে ।

বৰ্তমান eventzugaad.com এ মাহে ১৫-২০ টাকৈ অৰ্ডাৰ লাভ কৰিবলৈ সক্ষম হৈছে । ইয়াক পৰৱৰ্তী পৰ্যায়লৈ সৈ যাবলৈ আৰু ইয়াৰ প্ৰসাৰ ঘটাবলৈ বিনিয়োগকাৰীক আকৰ্ষণ কৰিব পৰাকৈ এটা ব্যাৱসায়িক আৰ্হি প্ৰস্তুত কৰি থকা হৈছে বুলি জনায় ডেভিদে ।