দিল্লী আৰক্ষীৰ এজন কনিষ্টবল আৰু এজন অট'চালক কিয় ঘৰে ঘৰে ঘূৰি ফুৰিছিল
Tuesday November 29, 2016,
1 min Read
কৰ্তব্যৰত কনিষ্টবল ধৰ্মেন্দ্ৰৰ ওচৰলৈ এজন অট'চালকে এজনী কান্দি থকা কমানিক লৈ আহিছিল । ইয়াৰ পাছত এই অটচালকজন আৰু আৰক্ষী কনিষ্টবলজনে ঘৰে ঘৰে গৈ ৩ বছৰীয়া লৰাটোৰ মাক দেউতাকৰ সন্ধান কৰিবলৈ ধৰিলে । পাৰুল নামৰ এই শিশুটি ককাক তীৰথ কোহলিৰ লগত দিল্লীৰ কালকাজীত বাস কৰিছিল । শিশুটিৰ পিতৃৰ দুবছৰ আগতে মৃত্যু ঘটিছিল আৰু মাক আন ঠাইত বাস কৰিছিল ।
এই শিশুটিয়ে নিজৰ পিতৃ মাতৃৰ সন্ধানত ঘৰৰ পৰা দুই কিলোমিটাৰ দুৰলৈ গুছি গৈছিল আৰু তাৰ পাছত এখন অট'ৰিক্সাত উঠিছিল । যেতিয়া অট'চালকজনে শিশুটিৰ ঠিকনা শুধিলে তেতিয়া সি কান্দিবলৈ ধৰিলে । লগে লগে তেওঁ আৰক্ষী কনিষ্টবলজনৰ ওচৰলৈ গ'ল ।
এই শিশুটিক দেখাৰ লগে লগে কনিষ্টবলজন আৰু অট'চালকজনে অঞ্চলটোৰ প্ৰতিটো গলিতে ঘূৰি ঘূৰি শিশুটিৰ মাক দেউতাকক বিচাৰিবলৈ ধৰিলে । অৱশেষত যেনিবা শিশুটিৰ ঘৰৰ সন্ধান ওলাল । ইয়াৰ বাবে আৰক্ষী বিভাগে কনিষ্টবলজনক পুৰষ্কৃত কৰে ।
এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক
আপুনি ভাল পাব পৰা অন্যান্য কাহিনী
কহিমা আৰু ইম্ফল যুদ্ধৰ স্মৃতিত “মেম’ৰিজ অৱ এ ফৰগটেন ৱাৰ”
একলব্যৰ প্ৰতি শ্ৰদ্ধা প্ৰদৰ্শন কৰি বুঢ়া আঙুলি ব্যৱহাৰ নকৰা জনজাতীয় ধনুৰ্বিদসকল