বিশ্বৰ ৮১ হাজাৰ গ্ৰাহকৰ সমস্যা সমাধান কৰাৰ বাবে ৭৫ হাজাৰৰো অধিক প্ৰতিষ্ঠানে ব্যৱহাৰ কৰা এটা ছফটৱেৰ হ'ল জেনডেস্ক । বিশ্বৰ বিভিন্ন প্ৰান্তৰৰ বাৰখন চহৰৰ ডেৰ হাজাৰতকৈও বেছি মানুহে এই প্ৰতিষ্ঠানত কাম কৰে । ২০১৪ চনত বজাৰত এই প্ৰতিষ্ঠানে আইপিঅ' মুকলি কৰে । য়'ৰ ষ্ট'ৰীৰ টেকস্পাৰ্কছৰ মঞ্চত জেনডেস্কৰ সহ প্ৰতিস্থাতা আৰু মূখ্য প্ৰযুক্তি বিষয়া মৰ্টেন প্ৰিমডালে জেনডেস্কৰ প্ৰতিষ্ঠা আৰু আৰম্ভণীৰ সময়ছোৱাৰ কথা অৱগত কৰে ।
বিশ্বজোৰা সফলতা লাভ কৰা জেনডেস্কৰ কাহিনী চমকপ্ৰদ । আলেকজেণ্ডাৰ আঘাছিপুৰ, মৰ্টেন প্ৰিমডাল আৰু মিক্কেল স্বেনে যেতিয়া জেনডেস্ক আৰম্ভ কৰিছিল তেতিয়া তেওঁলোকৰ একো নাছিল । প্ৰায় দেউলীয়া অৱস্থাত তেওঁলোকে আৰম্ভ কৰিছিল জেনডেস্ক । বিশেষজ্ঞসকলেও তেওঁলোক সফল নহ'ব বুলি ভৱিষ্যৎবাণী কৰিছিল । তথাপিও কিন্তু তেওঁলোক হতাশ নহ'ল আৰু তেওঁলোকৰ মূখ্য কাৰ্যালয় ছিলিকন ভেলীলৈ স্থানান্তৰিত কৰি নিজৰ বিকাশ আৰু প্ৰসাৰ অব্যাহত ৰাখিলে ।
১৯৯৯ চনত ডেনমাৰ্ক বিশ্ববিদ্যালয়ত বায়টেকনলজী অধ্যয়ন কৰি থকা অৱস্থাত মৰ্টেনে এবছৰ বিৰতি লোৱাৰ সিদ্ধান্ত লয় । তেনেতে তেওঁ কমপিউটাৰৰ প্ৰতি আকৰ্ষিত হয় । পিছলৈ তেওঁ এটা প্ৰতিষ্ঠানত কাম কৰিবলৈ লয় য'ত জেনডেস্কৰ বৰ্তমানৰ চিইঅ' মিক্কেল তেওঁৰ মূৰব্বী আছিল ।
এই উদ্যোগত কাম কৰাৰ অভিজ্ঞতাৰ ভিত্তিতে তেওঁলোকে এই ব্যৱসায় আৰম্ভ কৰাৰ সিদ্ধান্ত লয় । ২০০৫ চনত এই ব্যৱসায় আৰম্ভ কৰাৰ সময়ত তেওঁলোক আটাইকেইজন আছিল দেউলীয়া । সেই সময়ত পৰামৰ্শদাতা হিচাপে তেওঁলোকে পাৰ্ট টাইম কাম কৰি আছিল ।
২০০৭ চনৰ ১ অক্টোবৰত তেওঁলোকে সিদ্ধান্ত ল'লে তেওঁলোকৰ আন সকলো কাম বাদ দি সম্পূৰ্ণৰূপে জেনডেস্কত নিজৰ সময় দিয়াৰ সিদ্ধান্ত লয় । তেওঁলোকৰ আৰম্ভণী আছিল মন্থৰ । বিনিয়োগ পোৱাটো তেওঁলোকৰ বাবে আছিল অসম্ভৱ ।
তেওঁলোকৰ অৱস্থাটোক মৰ্টেনে কুকুৰৰ খাদ্য খোৱাৰ লগত তুলনা কৰে । তেওঁলোকৰ হাতত পইছা নাছিল ব্যৱসায় বৃদ্ধি কৰাৰ বাবে আৰু বিনিয়োগ আনাটোও সম্ভৱ নাছিল । সেই সময়ত ডেনমাৰ্কৰ অৱস্থাও বৰ উৎসাহজনক নাছিল ।
আন কোনো উপায় নাপাই তেওঁলোকে নিজৰ বন্ধু বান্ধৱ আৰু পৰিয়ালৰপৰা কিছু ধন গোটাই তাত বিনিয়োগ কৰিলে । সেই সময়তে আন এক উজুটি আছিল প্ৰখ্যাত বিনিয়োগকাৰী জেছন কালাকানিছ আৰু মাইক আৰিংটনে জেনডেস্ক টেকক্ৰাঞ্চৰ টেক ৫০ৰ অংশ হ'বলৈ তেনেই সাধাৰণ বুলি মন্তব্য কৰিছিল ।
প্ৰত্যাখ্যানৰ মূখামূখি হৈও বিচলিত নোহোৱাৰ সন্দৰ্ভত মৰ্টেনে কয়,
যদি আপুনি য়'ৰ ষ্ট'ৰীৰ Tech30ত স্থান পোৱা নাই তেনেহলে বিচলিত নহ'ব । আপুনি তথাপিও সফল হ'ব পাৰে ।
মৰ্টেনে কয় যে তেওঁলোকে তেওঁলোকৰ ওপৰত আস্থা ৰখা আন বিনিয়োগকাৰীক লগ পাইছিল । ২০০৯ চনত তেওঁলোকে প্ৰথম চীড কেপিটেল হিচাপে ৫০০,০০০ ডলাৰ লাভ কৰিবলৈ সক্ষম হয় । ইয়াৰ পাছত তেওঁলোকে মেট্ৰিক্স পাৰ্টনাৰ্ছ, ৰেডপইণ্ট আৰু বেঞ্চমাৰ্কৰপৰা মুঠ ৮৫.৫ মিলিয়ন ডলাৰ লাভ কৰিবলৈ সক্ষম হয় । ২০১৪ চনত জেনডেস্কে আইপিঅ' মুকলি কৰে । বৰ্তমান বিশ্বৰ ৯টা প্ৰডাক্ট ডিভেলপমেন্ট চেন্টাৰত ১৫০০ কৰ্মচাৰীয়ে জেনডেস্কৰ বাবে কাম কৰে । মৰ্টেনে কয় যে তেওঁলোক ভাৰতৰ বিকাশক লৈ উৎসাহিত আৰু ভাৰতত তেওঁলোকৰ কাৰ্যালয় স্থাপনত তেওঁলোক আশাবাদী ।
মূল- হৰ্ষিৎ মাল্যা
এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক
আপুনি ভাল পাব পৰা অন্যান্য কাহিনী
বাংগালুৰুত আৰম্ভ প্ৰযুক্তি ষ্টাৰ্টআপৰ মহাকুম্ভ টেকস্পাৰ্কছ ২০১৬
