এতিয়া অসমত সহজ হ'ব উদ্যোগ স্থাপন প্ৰক্ৰিয়া

0

এতিয়া উদ্যোগ বা ব্যৱসায় স্থাপনৰ বাবে অসমত চৰকাৰী বিভাগৰ টেবুলে টেবুলে ঘুৰি ফুৰিব নালাগিব । বিশেষকৈ ষ্টাৰ্টআপ কৰিব খোজা সকলৰ বাবে ই এক ভাল খবৰ । অসম বিধানসভাৰ চলিত অধিৱেশনত গৃহীত হ'ল আছাম ইজ অৱ ডুইং বিজনেছ বিল ২০১৬ অথবা ব্যৱসায় প্ৰক্ৰিয়া সৰলীকৰণ বিধেয়ক ২০১৬ । উসমত উদ্যোগ স্থাপন আৰু ব্যৱসায় পৰিচালনাৰ সহজ কৰিবৰ বাবে এই বিধেয়কত গুৰুত্ব প্ৰদান কৰা হৈছে । উদ্যোগ স্থাপনৰ বাবে আবেদন কৰা আৰু অনুমতি প্ৰদান প্ৰক্ৰিয়াৰপৰা অদৰকাৰী জটিলতাসমূহ আঁতৰোৱা আৰু অসমত বিনিয়োগ অনুকূল এক পৰিবেশ গঢ়ি তোলাটো এই বিধেয়কৰ অন্যতম লক্ষ্য ।

এই বিধেয়কখনৰ এক গুৰুত্বপূৰ্ণ দিশ হৈছে আছাম ব্যুৰ' অৱ ইনভেষ্টমেন্ট নামৰ এক উচ্চস্তৰীয় সংস্থা গঠন । এই সংস্থাই উদ্যোগ স্থাপনৰ প্ৰক্ৰিয়া ত্বৰান্বিত কৰাৰ লগতে উদ্যোগ স্থাপনৰ সৈতে জড়িত সকলোবোৰ প্ৰশাসনীয় কাম-কাজ চোৱা-চিটা কৰিব । এই সংস্থাৰ অধ্যক্ষ পদত থাকিব মূখ্যমন্ত্ৰী আৰু উপাধ্যক্ষ পদত থাকিব উদ্যোগ আৰু বাণিজ্য মন্ত্ৰী । ইয়াৰ উপৰিও বিভিন্ন সংশ্লিষ্ট বিভাগৰ উচ্চপদস্থ বিষয়া আৰু উদ্যোগজগত তথা বিভিন্ন বাণিজ্যিক সংগঠনৰ প্ৰতিনিধি সদস্য হিচাপে থাকিব এই সংস্থাত ।

আনহাতে মূখ্য সচিবৰ অধ্যক্ষতাত স্থাপিত এক ছিংগল উইণ্ড' এজেন্সীয়ে ৰাজ্যখনত বিনিয়োগ প্ৰক্ৰিয়া ত্বৰান্বিত কৰাৰ ওপৰত গুৰুত্ব দিব ।

উদ্যোগ স্থাপনৰ বাবে আবেদন প্ৰক্ৰিয়াটোক অনলাইন কৰাৰ ব্যৱস্থাও গ্ৰহণ কৰা হ'ব । এই প্ৰক্ৰিয়াটোৰ প্ৰতিটো স্তৰতে আবেদনকাৰীক এছ এম এছ যোগে প্ৰক্ৰিয়াটোৰ অগ্ৰগতি সম্পৰ্কে নিয়মিত তথ্য প্ৰদান কৰা হ'ব । ইয়াৰ বাবে এক বিশেষ ৱেব পৰ্টেলো স্থাপন কৰা হ'ব ।

উল্লেখযওগ্য যে যোৱা বছৰৰ কেন্দ্ৰীয় চৰকাৰ আৰু বিশ্ব বেংকৰ এক সমীক্ষাত ব্যৱসায় সুচল স্থানৰ তালিকাত অসম ২২তম স্থানত আছিল ।


এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক

অন্যান্য কেতবোৰ কাহিনী

জানি লওক ষ্টাৰ্টআপ চলোৱাৰ নীতি-নিয়ম

অসুস্থ অৱস্থাতে চাকৰি হেৰুউৱা এজন অভিযন্তাই বহুতকে দিলে সংস্থাপন

বেঞ্জামিন ফ্ৰেংকলিনৰ কৰ্মকুশলতাৰ এক গোপন মন্ত্ৰ উদ্যমীসকলৰ বাবে 

উদ্যমিতাৰে সফলতাৰ নতুন নতুন কাহিনী লিখি গৈছে শ্ৰীনিবাসে

Rhiddhis Chakravorty is the Assistant Editor (Asamiya) at yourStory Media and heads YourStory Asamiya. Previously he was a TV journalist and News Anchor for various leading news channels of Assam like News Live, News Time Assam, Prime News and Focus NE. His passion is to tell the outside world about history and culture of Assam. Apart from journalistic writings he writes fiction too.

Related Stories

Stories by Rhiddhis Chakravorty