চাইকেল আৰোহীৰ বাবে এয়াৰবেগ: ঘূৰি আহিব নেকি পৰিবেশ অনুকূল যাতায়ত মাধ্যমৰ সুদিন

0

চাইকেল আৰোহীৰ সুৰক্ষাৰ বিষয়টোক লৈ প্ৰায়ে প্ৰশ্ন উত্থাপন হয় । চাইকোল আৰোহীৰ বাবে আন্তঃগাঁঠনিৰ অভাৱ আৰু নগৰৰ যান জঁটৰ বাবে বহুতে ইচ্ছা থাকিলেও সেয়েহে চাইকেলৰ দৰে পৰিবেশ অনুকূল যাতায়ত মাধ্যম এটা এৰাই চলে । কিন্তু ছুইডেনৰ এটা ষ্টাৰ্টআপৰ আৱিষ্কাৰৰ ফলত হয়তো অচিৰেই এই পৰিবেশ অনুকূল যাতায়ত ব্যৱস্থাটো পুনৰ জনপ্ৰিয় হৈ উঠিব । 

ছুইডেনৰ মালম'স্থিত Hovding নামৰ ষ্টাৰ্টআপটোৱে চাইকেল আৰোহীৰ বাবে বিশ্বৰ প্ৰথমটো এয়াৰবেগ আৱিষ্কাৰ কৰিছে । এই এয়াৰবেগটো এটা হুডৰ দৰে নিৰ্মাণ কৰা হৈছে । যিকোনো দুৰ্ঘটনাৰ সময়ত এই হুডটো খোল খাই শ্বক এবজৰ্বাৰৰ কাম কৰে আৰু আৰোহীজনৰ মূৰটোক সুৰক্ষা দিয়ে । 

এই এয়াৰবেগত আশে-পাশে হোৱা সকলো গতি বিধি ধৰা পেলাব পৰাকৈ চেন্সৰ লগোৱা আছে । "ইয়াত এক চেকেণ্ডৰ ২০০ ভাগৰ এভাগ সময়ত হোৱা গতি বিধিও ধৰা পোলাব পৰা ব্যৱস্থা আছে । আৰু ইয়াৰ ওপৰত ভিত্তি কৰিয়েই ই সিদ্ধান্ত লয় যে এই এয়াৰবেগটো ফুলি উঠিব লাগিব নে নেলাগে ।" Hovdingৰ মূখ্য কাৰ্যবাহী বিষয়া ফ্ৰেডৰিক কাৰলিঙে কয় । তেওঁ লগতে কয় যে এই এয়াৰবেগ বিনা কাৰণত ফুলি উঠাৰ কোনো ভয় নাই । 

Image : Hovding
Image : Hovding

এই এয়াৰবেগত দুটা অংশ আছে । এটা কলাৰ আৰু এখন ঢাকনি । এই কলাৰে এয়াৰবেগ প্ৰণালীটোক আৱৰি ৰাখে । ধূলি আৰু পানী প্ৰতিৰোধী এই কলাৰটোৰ ঢাকনিখন আঁতৰাব পাৰি আৰু ধুব পাৰি । 

এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক

আপুনি ভাল পাব পৰা অন্যান্য কাহিনী   

প্ৰথমটো অসমীয়া ছাৰ্চ ইঞ্জিন: বিনায়ক শাণ্ডিল্যৰ sondhan.in

নগা যুৱতী লুলু ফাইগাই বেলজিয়াম তোলপাৰ লগাইছে নগা ব্যঞ্জনেৰে

ছত্তিছগড়ৰ ভিতৰুৱা অঞ্চলত অজয়ৰ বাইক এম্বুলেন্সেই সাৰথি

ধুমুহাৰ ধ্বংসাত্মক শক্তিক সৃষ্টিৰ কামত লগোৱা হৈছে জাপানত


Related Stories

Stories by Team Asamiya